სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ მცხეთას წმინდა ქალაქის ტიტული მიანიჭა. როგორც სამების საკათედრო ტაძარში უწმინდესმა ქადაგებისას ბრძანა გადაწყვეტილებას საფუძვლად კათოლიკოს-პატრიარქის მელქისედეკ პირველის ანდერძი უდევს, რომელიც მე-11 საუკუნეში დაიწერა.
ანდერძის თანახმად, მელქისედეკ I კათალიკოსი ასახელებს სოფლებს, აგარაკებს, რომელიც მან ეკლესიას შესწირა და ამბობს, რომ ვინც მის შემდგომ იქნება, ანდერძი უნდა აღასრულოს. ანდერძში მელქისედეკ კათალიკოსი მცხეთას წმინდა ქალაქად მოიხსენიებს.
უწმინდესის თქმით, მცხეთას მიენიჭება უძველესი სახელწოდება და აღდგება მისი სრული ტიტული და მას წმინდა ქალაქი, წმინდა დედაქალაქი მცხეთა ეწოდება.