საზოგადოება „ივერია" აგრძელებს საოკუპაციო ხაზთან მდებარე სოფლებში ჩასვლას, სიტუაციის ადგილზე გაცნობას და მოსახლეობის დახმარებას.
6 აპრილს, საზოგადოება „ივერიის" ორგანიზებით, საქველმოქმედო აქცია სოფელ დიცში ჩატარდება.
საზოგადოება „ივერიის" დამფუძნებლები არიან საგარეო საქმეთა ყოფილი მინისტრი გრიგოლ ვაშაძე, კულტურის ყოფილი მინისტრი ნიკა რურუა, საგარეო საქმეთა მინისტრის ყოფილი მოადგილე ნიკოლოზ ვაშაკიძე, საგარეო საქმეთა მინისტრის ყოფილი მოადგილე ნინო კალანდაძე, საქართველოს ყოფილი სრულუფლებიანი ელჩი საფრანგეთში მამუკა კუდავა, საქართველოს ყოფილი სრულუფლებიანი ელჩი ჩინეთში მამუკა გამყრელიძე და საქართველოს ყოფილი სრულუფლებიანი ელჩი ჩეხეთის რესპუბლიკაში ნინო ნაკაშიძე.
6 აპრილს, 13.00 საათზე საზოგადოება „ივერია" საინიციატივო ჯგუფთან ერთად, დიცის მოსახლეობას საყოფაცხოვრებო ნივთებით და საკვები პროდუქტებით დაეხმარება.
საქველმოქმედო აქციაში მონაწილეობის მიღება ნებისმიერ მსურველს შეუძლია.
მასალის გამოყენების პირობები