კონფლიქტებისა და მოლაპარაკებების საერთაშორისო კვლევითი ცენტრის პროექტის „რუსულ-ქართული დიალოგის ხელშეწყობა" ფარგლებში, 2014 წლის 31 მარტს, მოსკოვში, რუსეთის საერთაშორისო ურთიერთობათა საბჭოში, ქართველი და რუსი ექსპერტების ერთობლივი ნაშრომის „რუსულ-ქართული ურთიერთობები: განვითარების ახალი გზების ძიებაში" პრეზენტაცია გაიმართა. ნაშრომი წარმოდგენილიაკონფლიქტებისა და მოლაპარაკებების საერთაშორისო კვლევითი ცენტრისა და რუსეთის საერთაშორისო ურთიერთობათა საბჭოს სამუშაო დოკუმენტის ფორმით. რუსი და ქართველი საერთაშორისო ექსპერტების სტატიები ეძღვნებოდა რუსეთ-საქართველოს ამჟამინდელი ურთიერთობების ანალიზს და შეიცავენ რეკომენდაციებს მათი მოწესრიგებისათვის მომავალში.
მისასალმებელი სიტყვით გამოვიდნენ რუსეთის საერთაშორისო ურთიერთობათა საბჭოს გენერალური დირექტორი ანდრეი კორტუნოვი, კონფლიქტებისა და მოლაპარაკებების საერთაშორისო კვლევითი ცენტრის აღმასრულებელი დირექტორი მაია კაციტაძე და პროგრამის „რუსულ-ქართული დიალოგის ხელშეწყობა" მენეჯერი ნინო ქიზიყურაშვილი.
სამუშაო დოკუმენტი წარადგინეს სტრატეგიული კვლევების კავკასიური ცენტრის დირექტორმა მამუკა არეშიძემ, რუსეთის საგარეო საქმეთა სამინისტროს საერთაშორისო ურთიერთობების სახელმწიფო უნივერსიტეტის საერთაშორისო პრობლემების გამოყენებითი ანალიზის კათედრის უფროსმა მასწავლებელმა ანდრეი სუშენცოვმა, რუსეთის საგარეო საქმეთა სამინისტროს საერთაშორისო ურთიერთობების სახელმწიფო უნივერსიტეტის კავკასიისა და რეგიონალური უსაფრთხოების ცენტრის უფროსმა მეცნიერ-თანამშრომელმა ნიკოლაი სილაევმა.
სამუშაო დოკუმენტის პრეზენტაციის შედეგების შესაჯამებლადგაიმართა მრგვალი მაგიდა „რუსულ-ქართული ურთიერთობების განვითარების ახალი ეტაპი". დისკუსიის მოდერატორი იყო რუსეთის საერთაშორისო ურთიერთობათა საბჭოს პროგრამების დირექტორი ივან ტიმოფეევი.
მსჯელობის მთავარი საკითხები იყო:
- საქართველოს და რუსეთის შიდაპოლიტიკური კურსი: შეხებისა და დაშორების წერტილები
- რუსეთისა და საქართველოს რეგიონალური პოლიტიკა
- უსაფრთხოების პრობლემები ორმხრივ ურთიერთობებში
- დაბრკოლებები ურთიერთობათა ნორმალიზაციისათვის
- ორმხრივი ურთიერთობებისპერსპექტიული სფეროები
ღონისძიება გაგრძელდა 1 აპრილს, რუსი და ქართველი ექსპერტების შეხვედრით, სტამბულის პროცესის ფორმატში, პროექტის „რუსულ-ქართული დიალოგის ხელშეწყობა" ფარგლებში. სხდომაზე განიხილეს ანალიტიკური სტატიების სამუშაო ვერსიები შემდეგი მიმართულებებით: რუსულ-ქართული ურთიერთობების ისტორიული რაკურსი, დემოგრაფიისა და მიგრაციის ასპექტები, უსაფრთხოებისა და ტერორიზმის საკითხები და რუსულ-ქართული კულტურულ-ცივილიზაციური ურთიერთობები. სესიის მუშაობაში მონაწილეობდნენ სტრატეგიული კვლევების კავკასიური ცენტრის დირექტორი მამუკა არეშიძე, პოლიტიკური და სამხედრო ანალიზის ინსტიტუტის საერთაშორისო ურთიერთობების განყოფილების გამგე სეგეი მარკედონოვი, რუსეთის საგარეო საქმეთა სამინისტროს საერთაშორისო ურთიერთობების სახელმწიფო უნივერსიტეტის ეკონომიკური პოლიტიკისა და სახელმწიფო და კერძო სექტორის პარტნიორობის კათედრის გამგე ელენა ზავიალოვა, რუსეთის მეცნიერებათა აკადემიის ევროპის ინსტიტუტის ხმელთაშუა და შავი ზღვისპირეთის განყოფილების ხელმძღვანელი ალა იაზიკოვა, რუსეთის მეცნიერებათა აკადემიის აშშ და კანადის ინსტიტუტის რეგიონალური პრობლემების ცენტრის ხელმძღვანელი ნანა გეგელაშვილი, პროფესორი, თბილისის სახელმწიფო უნივერსიტეტის ლექტორი ლევან გიგინეიშვილი, თბილისის სახელმწიფო უნივერსიტეტის რექტორის მრჩეველი ირაკლი მურცხვალაძე, საქართველოს მოსახლეობის კვლევითი ცენტრის დირექტორი ირინა ბადურაშვილი.
სამუშაო შეხვედრის შედეგების მიხედვით იგეგმება ანალიტიკური სტატიების კრებულის გამოცემა.