მიმდინარე წლის პირველ კვარტალში 14 004 ახალშობილის დაბადება და 6 810 წყვილის ქორწინება დარეგისტრირდა.
სახელმწიფო სერვისების განვითარების სააგენტოს ინფორმაციით, აღნიშნული პერიდოში დაბადებულთა უმრავლესობა - 52% ვაჟია და 48 % გოგონა. ყველაზე მეტი ბავშვი 2014 წლის იანვარში დაიბადა.
რაც შეეხება ქორწინებას, ყველაზე მეტმა წყვილმა მიმდინარე წლის თებერვალში მოაწერა ხელი.
ინფორმაციისთვის, 2013 წელს 34 394 წყვილის ქორწინება დარეგისტრირდა. სახელმწიფო სერვისების განვითარების სააგენტოს სტატისტიკით, 2012 წელს 29 932 წყვილის ქორწინება დარეგისტრირდა, 2011 წელს - 30 861, 2010 წელს - 34 449, 2009 - 31 796, ხოლო 2008 წელს 24 696 წყვილმა იქორწინა.
რაც შეეხება დაბადებას, 2013 წელს 57 860 ახალშობილს დაიბადა, 2012 წელს - 58 175, 2011 წელს-59 381, 2010 წელს- 63 726, 2009 წელს-63 806, ხოლო 2008 წელს 57 976 ახალშობილი დაიბადა.
მასალის გამოყენების პირობები