აფხაზეთის ავტონომიური რესპუბლიკის მთავრობასა და აკად.ნ.ყიფშიძის სახელობის ცენტრალურ საუნივერსიტეტო კლინიკას შორის თანამშრომლობის მემორანდუმი გაფორმდება.
მემორანდუმს ხელს მოაწერენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და რესპუბლიკური საავადმყოფოს გენერალური დირექტორი ავთანდილ იმედაძე. ხელმოწერის ცერემონიალს აფხაზეთის ა/რ ჯანმრთელობისა და სოციალური დაცვის მინისტრი ქეთევან ბაკარაძე დაესწრება.
მემორანდუმის თანახმად, კლინიკა პერიოდულად განახორციელებს დევნილთა კომპაქტურ დასახლებებში ბენეფიციართა უფასო სამედიცინო მომსახურებას.
პროფესიონალ ექიმთა ჯგუფი აფხაზეთიდან იძულებით გადაადგილებულ პირებს უფასო კონსულტაციებს გაუწევს და სხვადასხვა სახის დიაგნოსტიკურ გამოკვლევას ჩაუტარებს.
მემორანდუმის ფარგლებში, პირველი სამედიცინო აქცია შაბათს, თბილისისი ზღვაზე არსებულ რამდენიმე კომპაქტურ ჩასახლებაში მცხოვრები დევნილებისთვის ჩატარდება. აქციის ფარგლებში, კლინიკის ექიმები 800-დე დევნილს უფასო სამედიცინო დიაკნოსტიკურ გამოკვლევებს ჩაუტარებენ.