საქართველოს იუსტიციის სამინისტროს საჯარო რეესტრის ეროვნული სააგენტო ბიზნესის რეგისტრაციის პროცესში გამოცემული ადმინისტრაციულ-სამართლებრივი გადაწყვეტილების ახალ, სტრუქტურირებულ მოდელზე გადავიდა.
საჯარო რეესტრში ჩატარებული კვლევების მიხედვით, სააგენტოს მიერ გამოცემული ადმინისტრაციული გადაწყვეტილებების რთული და გაურკვეველი ტექსტი მომხმარებელთა უკმაყოფილების ერთ-ერთ ძირითად მიზეზს წარმოადგენდა.
ახალი, ერთიანი სტანდარტის შემოღების მიზანი ადმინისტრაციულ-სამართლებრივი აქტების მომზადების პროცესში წერის ერთგვაროვანი სტილის დამკვიდრებაა. მსგავსი სტრუქტურირებული ადმინისტრაციული გადაწყვეტილება თუ სხვა სამართლებრივი დოკუმენტი მომხმარებლისთვის მარტივი და გასაგები გახდება.
ადმინისტრაციული გადაწყვეტილების ახალ მოდელში ინფორმაცია გადმოცემულია ფაქტების, სამართლებრივი შეფასებებისა და დასკვნის ბლოკების სახით, რაც მომხმარებელს მისი შინაარსის აღქმას უადვილებს.
დოკუმენტირების პროცესის გაუმჯობესება ხელს შეუწყობს მოქალაქეთა კმაყოფილების და სააგენტოსადმი საზოგადოების ნდობის ზრდას.
მასალის გამოყენების პირობები
