დღეს, თბილისში, საქართველოს პარლამენტი შენობაში საქართველოს პირველი პრეზიდენტის, ზვიად გამსახურდიას 75 წლის იუბილისადმი და 1990 წლის 31 მარტს ჩატარებული პირველი რეფერენდუმისადმი მიძღვნილი ღონისძიება გაიმართება.
პარლამენტის პრესსამსახურის ინფორმაციით, ღონისძიებას პარლამენტის თავმჯდომარე დავით უსუფაშვილი, პრემიერ-მინისტრი ირაკლი ღარიბაშვილი, პარლამენტის წევრები, 1990 წლის მოწვევის უზენაესი საბჭოს წევრები და საზოგადოების წარმომადგენლები დაესწრებიან.
საზოგადოებას სიტყვით პარლამენტის თავმჯდომარე, პრემიერ-მინისტრი, პარლამენტის ვიცე-სპიკერი ზვიად ძიძიგური და უზენაესი საბჭოს წევრები მიმართავენ.
ღონისძიებას ფონად ექნება ფოტოკოლაჟი და უხმო ვიდეო კადრები.
