მამა გაბრიელის წმინდა ნაწილებს სამების საკათედრო ტაძრიდან სამთავროს დედათა მონასტერში სამშაბათს, პირველ აპრილს გადააბრძანებენ. ამის შესახებ, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ქადაგებისას ბრძანა. როგორც უწმინდესმა ბრძანა 1-ელ აპრილს, 17:00 საათზე ღირსი მამა გაბრიელის ნეშტი გადასვენებული იქნება სამთავროს დედათა მონასტერში, სადაც ის მოღვაწეობდა.
შეგახსენებთ, რომ არსებული ინფორმაციით, მამა გაბრიელის სხეულის წმინდა ნაწილები სამების საკათედრო ტაძარში აღდგომის დღესასწაულამდე, 20 აპრილამდე უნდა დარჩენილიყო.
მამა გაბრიელის საფლავი 22 თებერვალს გახსნა. ხოლო 24 თებერვლიდან კი წმინდანის სხეული სამების ტაძარშია დაბრძანებული.