თბილისის საერთაშორისო აეროპორტში დღეს დაგეგმილი რეისები არ შესრულდა.
უამინდობის გამო, კომპანია "პეგასუსისა" და "თურქეთის ავიახაზების" ადმინისტრაციამ ფრენების გადადება გადაწყვიტა.
ფრენები თბილისის დროით 4:40 საათზე უნდა განხორციელებულიყო, თუმცა მგზავრებს კომპანიების წარმომადგენლებმა განუცხადეს, რომ რეისები ამინდის გაუარესების გამო ვეღარ შესრულდებოდა.
მგზავრებს მთელი ღამის გატარება აეროპორტში მოუხდათ.
მათივე განცხადებით, გადადებული რეისების შედეგად მათ მნიშვნელოვანი ზარალი მიიღეს, რადგან გადაცვლილ ბილეთებზე თანხის დამატება მოუწიათ.
ამ ეტაპზე კომპანიის წარმომადგენლები აეროპორტში არ იმყოფებიან და მათი პოზიციაც ამ დროისთვის უცნობია.
მასალის გამოყენების პირობები