29 მარტს საქართველოს იუსტიციის სამინისტროს საჯარო რეესტრის ეროვნული სააგენტო საერთაშორისო გარემოსდაცვით აქციას - „დედამიწის საათს" შეუერთდება.
ზუსტად 21:00 საათზე , დედამიწის სიმბოლური ერთი საათის აღსანიშნავად, საჯარო რეესტრის 68 ტერიტორიულ სარეგისტრაციო სამსახურში ერთი საათით ელექტროენერგია გამორთვება .
ელექტროენერგიის გამორთვით სააგენტოს თანამშრომლები დედამიწის მიმართ თანადგომას გამოხატავენ და კლიმატის ცვლილების წინააღმდეგ მიმართულ ყველაზე მასშტაბურ მსოფლიო აქციას შეუერთდებიან.
საქართველოში აქცია ,,დედამიწის საათი 2014''-ის ორგანიზატორი გარემოსა და ბუნებრივი რესურსების დაცვის სამინისტროა.
დედამიწის სიმბოლური ერთი საათის აღსანიშნავად საქართველოს დიდ ქალაქებში ერთი საათით ჩაბნელდა საკვანძო შენობები და საჯარო ადგილები.
"დედამიწის საათი" არის გლობალური აქცია, რომელიც მიზნად ისახავს მსოფლიო ლიდერების მიერ სათბურის აირების ემისიების შემცირებისა და ენერგოეფექტურობის თაობაზე აღებული ვალდებულებების შესრულების მხარდაჭერას.
აქციის ერთ-ერთი უმთავრესი მიზანი, მოსახლეობის ცნობიერების ამაღლებაა კლიმატის ცვლილებისა და გლობალური დათბობის თემებზე. წელს საქართველო მეექვსედ აღნიშნავს
"დედამიწის საათს". მასობრივი კამპანია აერთიანებს სამოქალაქო საზოგადოებას, ბიზნეს-სექტორს, საერთაშორისო ორგანიზაციებს, სამთავრობო უწყებებს, სტუდენტებსა და მოქალაქეებს.
„დედამიწის საათს "მსოფლიოს 150-ზე მეტი ქვეყანა და ასობით მილიონი ადამიანი შეუერთდება.