ბუდაპეშტში, საქართველოს საგანგებო და სრულუფლებიანმა ელჩმა ზაზა კანდელაკმა და უნგრეთის ადამიანური რესურსების სამინისტროს სახელმწიფო მინისტრმა უმაღლესი განათლების საკითხებში იშტვან კლინგჰამერმა ხელი მოაწერეს 2014-2016 წლების საგანმანათლებლო გაცვლით პროგრამას.
საგარეო საქმეთა სამინისტროს ინფორმაციით, საგანმანათლებლო გაცვლითი პროგრამა ითვალისწინებს უნგრეთის მხრიდან წელიწადში 50 სტიპენდიის გამოყოფას ქართველი სტუდენტებისთვის საბაკალავრო, სამაგისტრო და სადოქტორო პროგრამებზე უნგრეთში სასწავლებლად.
ქართული მხარე კი, ყოველწლიურად 5 სტიპენდიას შესთავაზებს უნგრელ სტუდენტებს საქართველოს ტექნიკურ უნივერსიტეტში ინგლისურ ენაზე სწავლის გასაგრძელებლად სრულ სამაგისტრო პროგრამებზე.
