გორის მუნიციპალიტეტის მოსწავლე ახალგაზრდობის კულტურულ- საგანმანათლებლო ცენტრის ინიციატივით, გორის დემოკრატიული ჩართულობის ცენტრში, 21 მარტს ქართული ჟურნალისტიკის დღის აღსანიშნავი ღონისძიებები გაიმართა.
პროფესიული დღე ჟურნალისტებს შიდა ქართლის ადგილობრივი ხელისუფლების წარმომადგენლებმა, გამგებელმა და საკრებულოს თავმჯდომარემ მიულოცა.
ადგილობრივი ხელისუფლების წარმომადგენლებმა შეხვედრაზე მედიის როლზე ისაუბრეს, და ჟურნალისტებს სიმბოლური საჩუქრები გადასცეს.
ღონისძიებას ახალგაზრდული ცენტრის ჟურნალისტიკის სექტორის მოსწავლეეებიც ესწრებოდნენ რომლებმაც, გორში მედიის მუშაობასთნ დაკავშირებით მედია- გამოკითხვა ჩაატარეს.
ტელეკომპანია "დია", რომელიც ღონისძიების მედია პარტნიორი იყო ახალგაზრდებს გამოცდილება გაზიარება და თანამშრომლობა შესთავაზა. რაც ახალგაზრდული ცენტრის 2 მოსწავლის ტელეკომპანიაში "დია" დასაქმებით გამოიხატა.
ამავე ღონისძიებაზე გორის მუნიციპალიტეტის მოსწავლე ახალგაზრდობის კულტურულ- საგანმანათლებლო ცენტრსა და კონფლიქტებისა და მოლაპარაკებების საერთაშორისკო კვლევით ცენტრს შორის თანამშრომლობის შესახებ მემორანდუმი გაფორმდა. ორგანიზაციებმა წერილობით დაადასტურეს მზაობა ორგანიზაციის მიზნებიდან გამომდინარე ითანამშრომლონ ახალგაზრდების გაძლიერებისთვის მიმართული პროგრამების ფარგლებში.
როგორც ICCN-ის აღმასრულებელი დირექტორი მაია კაციტაძე აცხადებს,
ჩვენი თანამშრომლობა ერთი მხრივ, იქნება ფონდების მოძიების პროცესში ჩართვა, მეორე მხრივ -არსებული ფონდების ერთობლივი განკარგვა საერთო მიზნებიდან გამომდინარე და ექსპერტიზისა და გამოცდილების გაზიარება. თავისუფლად შეგვიძლია ვთქვათ, რომ გორის ახალგაზრდულ ორგანიზაციებს მოვიაზრებთ პარტნიორებად და კოლეგებად, ანუ გადავედით ურთიერთობის სხვა ეტაპზე: ჩვენს მიერ გაძლიერებულებთან უფრო საქმიან ურთიერთობებს ვიწყებთ, რადგანაც დღეს ისინი არიან განვითარების სხვა საფეხურზე და, შესაბამისად, კონკურენტუნარიანებიც გახდნენ, ვიდრე ეს იყო 2 წლის წინ, როდესაც ჩვენ მათთან ტრენინგებით და სემინარებით დავიწყეთ ურთერთობა.
გორში გამართული ღონისძიების მხარდაჭერი იყო კონფლიქტებისა და მოლაპარაკებების საერთაშორისო კვლევითი ცენტრი, მედია პარტნიორი ტელეკომპანია "დია"