ვაშინგტონში, მსოფლიო ბანკის ორგანიზებითსაერთაშორისო კონფერენცია „მიწა და სიღარიბე" დაიწყო. ღონისძიებაში მონაწილეობას იღებს იუსტიციის სამინისტროს საჯარო რეესტრის ეროვნული სააგენტოს თავმჯდომარეპაპუნა უგრეხელიძე და საერთაშორისო ორგანიზაციებთან ურთიერთობის სამსახურის უფროსი ეკა მესხიძე, რომელიც კონფერენციაზე წარადგენს მოხსენებას თემაზე „მიწის ადმინისტრირების შეფასება გაეროს ევროპის „ეკონომიკური კომისიის რეგიონში".
ვიზიტის ფარგლებში დაგეგმილია შეხვედრები მსოფლიო ბანკის მენეჯმენტთან „ირიგაციისა და მიწის ბაზრის განვითარების" პროექტის საკითხებზე, რომელის დაწყებაც წლის მეორე ნახევარში იგეგმება. პილოტ-პროექტის სახით საქართველოს 11 სოფელში ჩატარდება სასოფლო-სამეურნეო დანიშნულების მიწების აზომვითი სამუშაოები და პირველადი რეგისტრაცია.
კონფერენცია „მიწა და სიღარიბე", რომელიც 10 წელზე მეტია ყოველწლიურად იმართება, მიზნად ისახავს მსოფლიოსსხვადასხვა ქვეყნებში მიწის მმართველობის უახლეს მიდგომებთან დაკავშირებით დიალოგის ხელშეწყობასხელისუფლებასა და სამოქალაქო საზოგადოების წარმომადგენლებს, აკადემიურ და ტექნიკურ ექსპერტებს შორის.
წლევანდელი კონფერენციის თემაა „მიწის მართვის ინტეგრირება 2015 წლის შემდგომი პერიოდის პროგრამაში: სინერგიის/წარმატებული ერთობლივი ძალისხმევის გამოყენება განხორციელებისა და მონიტორინგის გაძლიერებისთვის".
კონფერენციაზე წარმოდგენილი იქნება საუკეთესო მაგალითები მიწის მართვასთან დაკავშირებით და განხილული იქნება შემდეგი თემები: მიწაზე უფლებების უსაფრთხოება და დაცვა გენდერის გათვალისწინებით, ურბანული ლანდშაფტების მართვა, მიწასთან დაკავშირებით ინვესტიციების მოზიდვა ადგილობრივი სარგებლისთვის და რესურსების ერთობლივი მართვისთვის, სივრცითი მონაცემებიდან მაქსიმალური სარგებლის მიღება, მიწის საკუთრების, სარგებლობის და ადმინისტრირების საკითხებში გამჭვირვალობის გაძლიერება, მიწის მართვის ძირითადი ასპექტების კვლევა.
კონფერენციაში მონაწილეობას იღებენ სხვადასხვა ქვეყნების სამთავრობო სტრუქტურების, სამოქალაქო საზოგადოების, კერძო სექტორის და აკადემიური წრის წარმომადგენლები.
კონფერენცია 27 მარტს დასრულდება