დღეს, 24 მარტს, მწერალთა სახლში "თავისუფლების დღიურების" მორიგი, მერვე წიგნისა და მისი ავტორების მონაწილეობით გადაღებული დოკუმენტური ფილმის პრეზენტაცია გაიმართება.
"თავისუფლების დღიურები" რადიო "თავისუფლების" პროექტია. დამკვიდრებული ტრადიციის მიხედვით, მის ფარგლებში სხვადასხვა პროფესიისა და ასაკის, განსხვავებული პოლიტიკური შეხედულებების ცნობილი თუ ნაკლებად ცნობილი ადამიანები ერთი კვირის განმავლობაში აწარმოებენ ჩანაწერებს, რომლებიც ყოველი წლის დასაწყისში წიგნად იკინძება და ერთგვარად აჯამებს განვლილ 365 დღეს.
"თავისუფლების დღიურები 2013"-ს, ისევე, როგორც მის შვიდივე წინამორბედს, 52 ავტორი ჰყავს.
