ამ დროისთვის თბილისის მეტრო შეფერხებით მუშაობს. როგორც ,,ჯი-ეიჩ-ენთან" საუბარში სატრანსპორტო კომპანიის საზოგადოებასთან ურთიერთობის ხელმძღვანელმა თამაზ რობაქიძემ განაცხადა აღნიშნულის მიზეზი მეტროსადგურ ,, გოცირიძესა" და ,,ნაძალადევს შორის" გაჩენილი ხანძრის კერაა.
,, მეტროსადგურ ,,ნაძალადევსა" და ,, გოცირიძეს" შორის არსებულ ღია ტრასაზე ცეცხლის კერა დაფიქსირდა. უსაფრთხოების ზომებიდან გამომდინარე მეტროს მოძაროაბ შევაჩერეთ", _განაცხადა ,,ჯი-ეიჩ-ენთან" საუბარში რობაქიძემ.
მისივე თქმით, ამ ეტაპზე მტრო მოძრაობს მეტროსადგურ ,,ახმეტელიდან" დიდუბემდე და ,,სადგურის მოედნიდან", ,,ვარკეთილამდე".
რობაქიძის განმარტებით, ტექნიკური პერსონალი შემთხვევის ადგილზე მუშაობს და დაზიანების აღმოფხვრის შემდეგ მეტრო ჩვეულ რეჟიმში გააგრძელებს მუშაობას.
