მამა გაბრიელის წმინდა ნაწილები სამების საკათედრო ტაძარში აღდგომის დღესასწაულამდე, 20 აპრილამდე დარჩება.
საპატრიარქოს ინფორმაციით, სრულიად საქართველოს კათოლიკოს პატრიარქის უწმინდესისა და უნეტარესის ილია მეოროს გადაწყვეტილებით, სამების ტაძარში, მამა გაბრიელის წმინდა ნაწილები 23 მარტის ნაცვლად, 20 აპრილამდე დარჩება.
ამასთან ბეთანიელი წმინდა მამების ღირსი მამა იოანე (გიორგი) მხეიძისა და ღირსი იოანე მაისურაძის წმინდა ნაწილები ბეთანიის მონასტრის ღვთისმშობლის შობის ტაძარში აღდგომამდე იქნება დაბრძანებული.
საპატრიარქოს ინფორმაციით, სწორედ დიდმარხვის ბოლოს, პატრიარქი მიიღებს გადაწყვეტილებას, სად იქნება წმინდა მამა გაბრიელის და ბეთანიელი მამების საბოლოო განსასვენებელი.