საქართველოს სახალხო დამცველი საქართველოს პარლამენტის ეროვნულ ბიბლიოთეკასთან ერთად საჯარო დებატებს განაგრძობს.
28 მარტს, 17:00 საათზე გაიმართება დებატი თემაზე - „რეალური კონსტიტუციური კონტროლი - საკონსტიტუციო სასამართლოს მიერ მართლმსაჯულების ხარვეზების გამოსწორების შესაძლებლობა".
სახალხო დამცველი აპარატის ინფორმაციით, მომხსენებლები იქნებიან საქართველოს საკონსტიტუციო სასამართლოს მოსამართლე ქეთევან ერემაძე, საქართველოს მეცნიერებათა ეროვნული აკადემიის აკადემიკოსი ჯონი ხეცურიანი, „ახალგაზრდა იურისტთა ასოციაციის" თავმჯდომარე კახა კოჟორიძე, საქართველოს სახალხო დამცველის აპარატის წარმომადგენელი ეკა ლომთათიძე.
დებატებს მოდერატორობას სახალხო დამცველის მოადგილე პაატა ბელთაძე გაუწევს. შეხვედრა მხარდაჭერილია ევროკავშირის პროექტის მიერ „საქართველოს სახალხო დამცველის აპარატის ხელშეწყობა".
დებატები აქტუალურ თემებზე ყოველი თვის ბოლო პარასკევს იმართება.
