დღეს, 21 მარტს,15:30 საათზე, საქართველოს პარლამენტის ეროვნულ ბიბლიოთეკაში დაუნის სინდრომით დაავადებულ ბავშვთა საერთაშორისო დღეს, დიზაინერების ზალიკო ბერგერის და ანა ჩანგიანის ზამთრის თექის კოლექციის ჩვენება გაიმართება.
ღონისძიებაზე „ხელოვნების სახლის" აღსაზრდელები და არასამთავრობო ორგანიზაცია „მზის შვილების" ბენეფიციარები (ხელმძღვანელი ინგა ლოლაძე) წარმოგიდგენენ კოლექციას.
ჩვენებაზე წარმოდგენილი იქნება 25 კოსტიუმი. ბენეფიციარებს „ხელოვნების სახლის" ხელმძღვანელი ანა ჩანგიანი და ირინა ბარბაქაძე საჩუქრად გადასცემენ სპეციალურად მათთვის დამზადებულ სამოსს.
ღონისძიება მიზნად ისახავს დაუნის სინდრომით დაავადებულ ბავშვთა საზოგადოებაში ინტეგრაციას. ის ასევე მიმართულია დაუნის სინდრომით დაავადებული ბავშვებისთვის სარეაბილიტაციო ცენტრის შექმნის იდეის მხარდაჭერისკენ.
ღონისძიება „ხელოვნების სახლის" ორგანიზებით გაიმართება.