„ვგეგმავთ მარნეულში ავაშენოთ სპორტულ-გამაჯანსაღებელი კომპლექსი. თქვენ გექნებათ ადგილი, სადაც შეიკრიბებით, ივარჯიშებთ და იცხოვრებთ ჯანმრთელი ცხოვრების წესით,"-განაცხადა საქართველოს პრემიერ-მინისტრმა ირაკლი ღარიბაშვილმა ეთნიკურად აზერბაიჯანელ სტუდენტებთან შეხვედრისას. შეხვედრა მარნეულის ახალგაზრდობის ცენტრში გაიმართა. პრემიერმა ახალგაზრდებს ნოვრუზ ბაირამობა მიულოცა ახალგაზრდებს და სამთავრობო ინიციატივები გააცნო.
„იცით, რომ არსებობს სპეციალური პროგრამა და ბევრმა თქვენგანმა, ალბათ, უკვე გამოიყენა ეს პროგრამა. ვინც არ იცის, მათთვის ვიტყვი, რომ თქვენ გაქვთ შესაძლებლობა ერთიან ეროვნულ გამოცდებზე მხოლოდ ზოგადი უნარებისაზერბაიჯანული ტესტების შედეგებით ჩაირიცხოთ უმაღლეს სასწავლებლებში. იქ თქვენ შეგასწავლიან ქართულ ენას იმისათვის, რომ შემდეგ გააგრძელოთ სწავლა ბაკალავრიატის, დიპლომირებული მედიკოსის და სტომატოლოგისსაგანმანათლებლო პროგრამებით. სახელმწიფო აფინანსებს თქვენს სწავლას და ამისათვის გამოგეყოფათ გრანტები 5, 6 და 7 წლის განმავლობაში, იმის მიხედვით, რამდენიც საჭირო იქნება თქვენი განათლებისთვის",-აღნიშნა საქართველოს პრემიერ-მინისტრმა. მისივე განცხადებით,
მანვე ეთნიკურად აზერბაიჯანელ სტუდენტებს მოუწოდა, ისარგებლონ „ფეისბუკის" გვერდზე გახსნილი სპეციალური აპლიკაციით- „სტუდენტების იდეა პრემიერს" და მიაწოდონ მათი მოსაზრებები.
საგანმანათლებლო ინიციატივების ამოქმედებასთან დაკავშირებით, მთავრობის ადმინისტრაცია თვის ბოლოს პრეზენტაციას გამართავს.