დღეს, 20 მარტს და ხვალ, 21 მარტს, საქართველოში წვიმა და ქარია მოსალოდნელი. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის უფროსმა სვეტა ნიორაძემ განაცხადა 22 მარტიდან გამოიდარებს და ტემპერატურაც მოიმატებს.
,,დღეს, დასავლეთ საქართველოს ყველა და აღმოსავლეთ საქართველოს ზოგიერთ რაიონში ველოდებით წვიმას. ხოლო ღამით წვიმის ინტენსიობა გაძლიერდება და მოიმატებს ქარიც, რომლის სიჩქარე 20-25 მ/წმ-ში მიაღწევს. 22 მარტიდან გამოიდარებს და ტემპერატურაც მნიშვნელოვნად მოიმატებს. აღმოსავლეთ საქართველოში ჰაერი 20 გრადუსამდე, ხოლო დასავლეთ საქართველოში ჰაერი 25 გრადუსამდე გათბება", _განაცხადა ნიორაძემ ,,ჯი-ეიჩ-ენთან" საუბარში.