საქართველოს ტექნიკური უნივერსიტეტის ფიზიკის დეპარტამენტში ჩატარდა ვირტუალური მოდელირების ცენტრის პრეზენტაცია, სწავლების ელექტრონული მეთოდების გამოყენებით. პრეზენტაცია ჩაატარა ფიზიკის დეპარტამენტის პროფესორმა, ვირტუალური მოდელირების ცენტრის ხელმძღვანელმა დავით სონღულაშვილმა. მან საზოგადოებას გააცნო სწავლების ელექტრონული მეთოდები და რეალურ-ვირტუალური, დისტანციურ-რეალური ლაბორატორიები, ელექტრონული გამოცდის ახალი მეთოდები - ე.წ.პროგრამა რეკორდერი.
პრეზენტაციას ესწრებოდნენ საქართველოს ტექნიკური უნივერსიტეტის რექტორი არჩილ ფრანგიშვილი, „ათასწლეულის გამოწვევის ფონდი-საქართველო"-ს აღმასრულებელი დირექტორი მაგდა მაღრაძე, საქართველოს განათლებისა და მეცნიერების სამინისტროს წარმომადგენლები: უმაღლესი განათლების პროექტის დირექტორი ნოდარ სურგულაძე, ზოგადი განათლების პროექტის დირექტორი ნათია ვერულაშვილი, ასევე, თბილისისა და რეგიონების სკოლების წარმომადგენლები.
