გერმანიის ფედერაციულ რესპუბლიკაში საქართველოს ელჩმა ლადო ჭანტურიამ გაცნობითი შეხვედრა გამართა გერმანიაში სლოვენიის ელჩთან მარტა კოს მარკოსთან. სლოვენიის ელჩმა ხაზი გაუსვა ევროკავშირის სახელმწიფოთა მეთაურების მიერ 6 მარტს ბრიუსელში მიღებულ განცხადებას, სადაც კიდევ ერთხელ ცალსახად დაფიქსირდა ევროკავშირის პოზიცია ასოცირების ხელშეკრულების მიმდინარე წლის აგვისტომდე ხელმოწერასთან დაკავშირებით. სლოვენიის ელჩმა დადებითად შეაფასა საქართველოს მიერ განვლილი წლების მანძილზე მიღწეული პროგრესი. მისი თვალსაზრისით უკრაინაში მიმდინარე პროცესებმა ხელი უნდა შეუწყოს საქართველოსთვის ევროპის კავშირის მხარდაჭერის გაძლიერებას, რასაც ზემოთ აღნიშნული განცხადებაც ადასტურებს. შეხვედრისას ელჩებმა სამომავლოდ მჭიდრო თანამშრომლობის სურვილი გამოთქვეს.
მასალის გამოყენების პირობები
