პრეზიდენტი გიორგი მარგველაშვილი მწუხარებას გამოთქვამს რეზო ადამიას გარდაცვალების გამო და სამძიმრის განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,,ღრმა მწუხარებას გამოვხატავ გამორჩეული ადამიანის, ჩემი დიდი ხნის მეგობრის რეზო ადამიას გარდაცვალების გამო. უბადლო მეცნიერი, დახვეწილი დიპლომატი, შესანიშნავი სპორტსმენი, საიმედო მეგობარი, დაბოლოს, სამაგალითო პიროვნება ახლობლებისთვის, კოლეგებისა და ახალგაზრდა თაობისთვის - ასეთი იყო რეზო. ძნელია სიტყვებით გამოხატო მისი გარდაცვალებით გამოწვეული ტკივილი. იგი აუნაზღაურებელი დანაკლისია ქართულ დიპლომატიისთვის; რეზო დააკლდა ქართულ საზოგადოებას, ყველას, ვისთანაც ოდესმე ჰქონია ურთიერთობა. მწუხარების ჟამს, გულწრფელად თანავუგრძნობ და ვუსამძიმრებ რეზო ადამიას ოჯახს, მის ახლობლებსა და მეგობრებს", _ნათქვამია სამძიმრის ტექსტში.
მასალის გამოყენების პირობები
