რეგიონული განვითარებისა და ინფრასტრუქტურის მინისტრი დავით ნარმანია სახალხო დამცველად წინააღმდეგობას საჯარო სამსახურის შესახებ" კანონში შესულ ცვლილებებთან დაკავშირებით კომუნიკაციის პრობლემას უკავშირებს. როგორც მთავრობის სხდომის დასრულების შემდეგ ნარმანიამ ჟურნალისტებთან განაცხადა აღნიშნულ საკითხზე სასაუბროდ მისი მოადგილე სახალხო დამცველს შეხვდება.
,,როგორც ჩანს, გარკვეული თვალსაზრისით კომუნიკაციის პრობლემასთან გვაქვს საქმე, ამიტომ ჩემი მოადგილე სახალხო დამცველს შეხვდება, რომ გაიარონ საკითხები. ჩვენი მოსაზრებაა, ის რომ, ვინაიდან თვითმმართველობის სრულიად ახალ სისტემას ვიღებთ, იცვლება თვითმმართველობის სტრუქტურა, ეს ყველაფერი საჭიროებს იმას, რომ გამოცხადდეს ახალი კონკურსები. გარდა ამისა, თვითმმართველობის ორგანოებში მუშაობენ ადამიანები, რომლებსაც წლების განმავლობაში კონკურსი გავლილი არ აქვთ და უვადოდ დანიშნულები არიან, რაც ,,საჯარო სამსახურის შესახებ" კანონთან წინააღმდეგობაში მოდის. ამიტომ მნიშვნელოვანია, რომ ეს საკითხი ერთხელ და სამუდამოდ მოწესრიგებული იყოს, ისე როგორც ცივილური ქვეყნების ,,საჯარო სამსახურის შესახებ კანონმდებლობით ხდება", _განაცხადა ნარმანიამ.
შეგახსენებთ, საქართველოს სახალხო დამცველი, უჩა ნანუაშვილი "საჯარო სამსახურის შესახებ" კანონში შესულ ცვლილებებს საკონსტიტუციო სასამართლოში გასაჩივრებას გეგამვს.