"კონფლიქტების და მოლაპარაკებების საერთაშორისო კვლევითი ცენტრის" საპილოტე პროექტის, სახელწოდებით "გიორგი ხუციშვილის სახელობის კონფლიქტების მართვისა და პრევენციის სამხრეთ კავკასიური სკოლის" კურსდამთავრებულებს სერთიფიკატები გადაეცათ. როგორც სააგენტო "ჯი-ეიჩ-ენს "კონფლიქტების და მოლაპარაკებების საერთაშორისო კვლევითი ცენტრიდან" აცნობეს, პროექტის მიზანია, სფეროს ექსპერტებისა და დაინტერესებული ახალგაზრდებისთვის ახალი სივრცე შექმნას. ამასთან გამოავლინოს სფეროში მოღვაწე ახალგაზრდა ექსპერტები, რომლებიც კვალიფიკაციის ამაღლებით არიან დაინტერესებულნი.
"გიორგი ხუციშვილის სახელობის კონფლიქტების მართვისა და პრევენციის სამხრეთ კავკასიური სკოლამ" ხელი უნდა შეუწყოს, რეგიონში კონფლიქტოლოგიის, როგორც ერთ-ერთი მნიშვნელოვანი დარგის განვითარებასა პოპულარიზაციას. გამოცდილებისა და ცოდნის გაზიარებას ახალგაზრდა თაობისთვის.
საპილოტო პროგრამა გულისხმობდა: 7 დღიან სასწავლო კურსს, საიდანაც თითოეული დღე მიეძღვნა ერთ ექსპერტს, და, შესაბამისად, ექსპერტის მიერ შერჩეულ საკითხს.
მასტერ კლასები სხვადასხვა თემებზე ჩატარდა: ეკონომიკური უსაფრთხოება; კავკასიის კონფლიქტები; კონფლიქტების პრევენცია და დარეგულირება; ქართულ-აფხაზური სამართლებრივი ურთიერთობები.
გასაუბრების შედეგად შექმნილ ჯგუფს ყველა "საგანში" დაურიგდათ (ელექტრონული სახით) ლექციისთვის მოსამზადებელი საკითხავი მასალა.L
ლექციები წაიკითხეს საქართველოში შესაბამისი სფეროს ექსპერტებმა: მამუკა არეშიძე, ივლიანე ხაინდრავა, ირაკლი კაკაბაძე, ლევან გერაძე,Lლევან გიგინეიშვილი, ბადრი ნაჭყებია, სანდრო თვალჭრელიძე.
აღსანიშნავია, რომ 2014 წელი კონფლიქტების და მოლაპარაკებების საერთაშორისო კვლევითი ცენტრის საიუბილეო წელია და ცენტრის მიერ 2014 წელს განხორციელებული ყველა პროექტი გიორგი ხუციშვილის ხსოვნისადმი იქნება მიძღვნილი.