"აი თრექერი" უკვე ხელმისაწვდომია!
5 მარტს 13:00 საათზე სასტუმრო „ჰოლიდეი ინნ"-ში კომპანია „ეისითი" (ACT) მარკეტინგული კვლევის სფეროში ერთ-ერთ ყველაზე მოწინავე ტექნოლოგიას, „აი თრექინგს" (Eye Tracking) წარადგენს.
„აი თრექინგი" არის ვიზუალური კონცეფციების კვლევისა და შეფასების ყველაზე თანამედროვე, ზუსტი და სწრაფი ტექნოლოგია. ამ ტექნოლოგიის მეშვეობით შესაძლებელია ნებისმიერი ფორმატის ვიზუალური მასალის ტესტირება, იქნება ეს ბეჭდვითი თუ ელექტრონული რეკლამა, სატელევიზიო რგოლები, გარე რეკლამა, ვებ-გვერდი, პროდუქტის შეფუთვა თუ მაღაზიის დახლი.
„აი თრექინგს" წარმატებით იყენებენ მსოფლიოში ცნობილი ბრენდები, როგორებიცაა: Coca-Cola, McDonalds, Google, P&G, Microsoft, IBM, TOYOTA, Disney, Nestle, Gillette და სხვა ლიდერი კომპანიები. ადგილობრივ ბაზარზე ტექნოლოგია სააგენტო "პროფიტმა" (PRofit) შემოიტანა, ხოლო 2014 წლიდან მისი ექსკლუზიური პარტნიორი საქართველოში „ეისითი" გახდა, რაც ამ ტექნოლოგიის გაყიდვის ექსკლუზიურ უფლებას გულისხმობს.
პრეზენტაციაზე მიწვეულები არიან საქართველოს მთავრობის, ბიზნესისა და არასამთავრობო სექტორის წარმომადგენლები.