,,საჯარო სამსახურის შესახებ" კანონში ცვლილება პარლამენტმა რეგლამენტის დარღვევით განახორციელა", _ამის შესახებ, "საერთაშორისო გამჭვირვალობა საქართველოს" თავმჯდომარემ ეკა გიგაურმა ,,პრაიმ ტაიმის" პრესკლუბში განაცხადა და აღნიშნა, რომ ამ კონკრეტულ ცვლილებაზე შესაბამის კანონმდებლობაში არ იყო საუბარი არც პირველ და არც მეორე მოსმენაზე.
"ცვლილებები შევიდა პარლამენტის რეგლამენტის დარღვევით რადგანაც ამ კონკრეტულ ცვლილებაზე შესაბამის კანონმდებლობაში არ იყო საუბარი არც პირველ და არც მეორე მოსმენაზე და როგორც ჩვენთვის გახდა ცნობილი ის შეტანილ იქნა მესამე მოსმენის შემდეგ. ჩვენ ვფიქრობთ რომ ეს იყო პრინციპული საკითხი ამაზე საუბარი უნდა ყოფილიყო პირველ მოსმენაზე, ეს არ გაკეთდა რითაც დაირღვა, საქართველოს პარლამენტის რეგლამენტი", - აცხადებს გიგაური.
გიგაურის განცხადებით, აღნიშნულთან დაკავშირებით ხელისუფლების რეაგირებას დაელოდება, წინააღმდეგ შემთხვევაში პარლამენტის გადაწყვეტილებას სხვა არასამთავრობო ორგანიზაციებთან ერთად გაასაჩივრებს.
ცვლილებების თანახმად "საჯარო სამსახურის შესახებ" კანონს დაემატა 1344 მუხლი, რომლის თანახმადაც ადგილობრივი თვითმმართველობის არჩევნების შემდეგ ყველა მოხელე, ვინც თვითმმართველ ორგანოში მუშაობს, დროებითი თანამდებობის შემსრულებლად ჩაითვლება და უფლებამოსილებას მანამდე განახორციელებს, სანამ ადგილები კონკურსის წესით თავიდან არ შეივსება. კონკურსის წესით თანამდებობაზე მოხელეების დანიშვნა კი უნდა დასრულდეს არჩევნების შედეგების გამოცხადებიდან არაუგვიანეს 120 დღეში.