მამა გაბრიელის წმინდა ნაწილებს ერთი კვირთ სამების საკათედრო ტაძარში დაასვენებენ. როგორც საპატრარქოს განცხადებაშია აღნიშნული, მრევლს ექნება საშუალება პატივი მიაგოს მას. შემდეგ კი იგი დაიკრძალება სამთავროს ფერისცვალების ტაძარში.
"24 თებერვალს, მამა გაბრიელის წმინდა ნაწილები გადმოსვენებული იქნება სამების საკათედრო ტაძარში, ერთი კვირის მანძილზე იქნება აქ დაბრძანებული და მრევლს ექნება საშუალება პატივი მიაგოს მას. შემდეგ კი იგი დაიკრძალება სამთავროს ფერისცვალების ტაძარში", - ნათქვამია განცხადებაში.
მამა გაბრიელის საფლავი 22 თებერვალს 12:00 საათზე გაიხსნება. წმინდა ნეშტი ჯერ დასვენდება სამთავროს ფერისცვალების ტაძარში, ხოლო 18:00 საათზე გადასვენდება სვეტიცხოველში. სვეტიცხოვლის საკათედრო ტაძარში საზეიმო ლოცვა დაიწყება შაბათს 19:00 საათზე, ხოლო კვირას,- საზეიმო წირვა 10:00 საათზე.
წირვა-ლოცვას წმინდა სინოდის წევრებთან ერთად აღავლენს სრულიად საქართველოს კათოლიკოს-პატრიარქი.