თბილისში ჩატარდა საქველმოქმედო საღამო ტანგოს სტილში, რომელმაც გააერთიანა მსხვილი და საშუალო ბიზნესის 500-ზე მეტი წარმომადგენელი, რომლებიც არ არიან გულგრილნი თანამემამულეთა მიმართ, ვისაც სჭირდება მხარდაჭერა. ღონისძიება ორგანიზებულ იქნა ქალ-ფილანტროპთა ასოციაციის მიერ, ღონისძიების სპონსორი იყო თბილისის სამორინე „შანგრი ლა".
ღონისძიების მიზანი იყო სახსრების მოძიება სარძევე ჯირკვლის კიბოთი დაავადებულ ახალგაზრდა ქალბატონების დახმარებისათვის, ჰემოფილიით დაავადებულთათვის მედიკამენტების შეძენისათვის, და ასევე შეზღუდული შესაძლებლობის მქონე პირთა დასაქმების პროექტის ფინანსირებისათვის.
საღამოს მსვლელობისას სტუმრებს თავისი ხელოვნებით სიხარულს ანიჭებდნენ მუსიკოსები და ტანგოს მოცეკვავეები. ასევე ორგანიზებული იყო მოდების ჩვენება, სადაც მოდელების როლში, პროფესიონალების გარდა, წარმოგვიდგნენ სარძევე ჯირკვლის დაავადების მქონე ქალბატონები. აღსანიშნავია, რომ საღამოს სტუმრებმა არ იცოდნენ შოუს ზოგიერთი მონაწილის მძიმე დაავადების შესახებ და აღიქვამდნენ მათ სავსებით ბუნებრივად. საბედნიეროდ, ყველა ქალბატონის სამედიცინო პროგნოზი დადებითი იყო, ხოლო მათ მიერ პოდიუმზე შესრულებული მოდელების როლი განასახიერებდა მათ სწრაფვას რაც შეიძლება მალე დაუბრუნდნენ სრულფასოვან ცხოვრებას.
ეს არ არის სამორინე „შანგრი ლა"-ს მატერიალური მხარდაჭერით ქალ-ფილანტროპთა ასოციაციის მიერ ორგანიზებული პირველი საქველმოქმედო საღამო, რომლიც მიზანია წვლილის შეტანა მძიმე დაავადებების მქონე ადამიანთა სოციალიზაციაში. შეგახსენებთ, რომ გასული წლის ბოლოს ჩატარდა ტურნირი შაშში შეზღუდული შესაძლებლობების მქონე ადამიანთა შორის.