ხვალ, 18 თებერვალს ,,საქართველოს ახალგაზრდა იურისტთა ასოციაცია" და საერთაშორისო გამჭვირვალობა - საქართველო იუსტიციის უმაღლესი საბჭოს საქმიანობის მონიტორინგის მეორე ანგარიშის პრეზენტაციას გამართავენ
პრეზენტაცია 12:00 საათზე, სასტუმროში „ჰოლიდეი ინნ"-ში გაიმართება.
ანგარიშში ძირითადად ასახულია 2013 წლის განმავლობაში განხორციელებული მონიტორინგის შედეგები და მასში განხილულია ისეთი მნიშვნელოვანი საკითხები, როგორიცაა საბჭოს საქმიანობის გამჭვირვალობა, გადაწყვეტილებების მიღების პროცედურები და ამ გადაწყვეტილებათა, მათ შორის, მოსამართლეთა დანიშვნისა და მივლინების დასაბუთებულობის ხარისხი, ასევე აღწერილია საბჭოს ახალი შემადგენლობით დაკომპლექტების პროცესი.
