საქართველოში 19 თებერვლამდე წვიმიანი ამინდი შენარჩუნდება. როგორც ,,ჯი-ეიჩ-ენთან" საუბარში სინოპტიკოსმა ლია კაკიაშვილმა განაცხადა მომდევნო დღეების განმავლობაში წვიმასთან ერთად, მოსლოდნელია დასავლეთის ქარი და ჰაერის ტემპერატურაც შედარებით დაიკლებს.
,,დღეს, დასავლეთ საქართველოს უმეტეს და აღმოსავლეთ საქართველოს ზოგიერთ რაიონში ველოდებით წვიმას, იქროლებს დასავლეთის ქარი 10-15, ზოგან 17-22 მ/წმ-ში. გუშინდელთან შედარებით დაიკლო ტემპერატურამ და დასავლეთ საქართველოს დაბლობში 9-14 გრადუსამდე სითბოს, აღმოსავლეთ საქართველოს ბარში 10-15 გრადუსს სითბოს ველოდებით", _განაცხადა ,,ჯი-ეიჩ-ენთან" საუბარში სინოპტიკოსმა ლია კაკიაშვილმა.
მისივე განმარტებით, ხვალიდან, 17 თებერვლიდან დასავლეთს საქართველოში ნალექის ინტენსიობა შემცირდება და მხოლოდ ზოგიერთ რაიონში შენარჩუნდება წვიმა. წვიმაა მოსალოდნელია აღმოსავლეთ საქართველოს ზოგიერთ რაიონშიც. როგორც ,,ჯი-ეიჩ-ენთან" საუბარში ლია კაკიაშვილმა განაცხადა 19 თებერვლის ჩათვლით საქართველოში არამდგრადი ამინდი შენარჩუნდება.
კაკიაშვილის განმარტებით, მომდევნო დღეების განმავლობაში ტემპერატურა 10-15 გრადუსის ფარგლებში შენარჩუნდება.