ინფორმაციის თავისუფლების განვითარების ინსტიტუტმა კულტურის სამინისტროს სამივლინებლო ხარჯები განასაჯაროვა. IDFI-ის ინფორმაციით 2013 წლის განმავლობაში კულტურისა და ძეგლთა დაცვის მინისტრისა და მისი მოადგილეების სამივლინებო ხარჯებმა 183 316 ლარი შეადგინა.
კულტურის მინისტრმა გურამ ოდიშარიამ მივლინებაში სულ 76 კალენდარული დღე გაატარა აქედან 61 სამუშაო დღე. რისთვისაც ბიუჯეტიდან 66 742 ლარი გამოიყო.
მინისტრის მოადგილე მანანა ბერიკაშვილმა მივლინებაში 39 კალენდარული დღე გაატარა. აქედან სამუშაო დღე 28. ბიუჯეტიდან ამისთვის 31 968 ლარი გამოიყო.
ყველაზე დიდი თანხა მარინე მიზანდარის სამივლინებო პერიოდში დაიხარჯა. მინისტრის უკვე ყოფილი მოადგილის მივლინებაში 76 დღიდან 61 სამუშაო დღე იყო და ამისთვის ბიუჯეტიდან 66 742 ლარი დაიხარჯა.
„ვიზიტებიდან განსაკუთრებულ ინტერესს იწვევს ფრანკფურტის ვიზიტი. 2013 წლის 8-11 ოქტომბერს ფრანკფურტის წიგნის ბაზრობაზე საქართველოდან იმყოფებოდა კულტურის სამინისტროს სამი თანამდებობის პირი - მინისტრი გურამ ოდიშარია, მინისტრის პირველი მოადგილე მარინე მიზანდარი და მინისტრის მოადგილე მანანა ბერიკაშვილი. მინისტრის 2013 წლის 27 სექტემბრის ბრძანებით ირკვევა, რომ თითოეული თანამდებობის პირისთვის სასტუმროში სამი ღამის ხარჯის დასაფარად ბიუჯეტიდან გამოიყო 5496 ლარი, ანუ 2 445 ევრო, რაც ერთ ღამეში დაახლოებით 815 ევროს შეადგენს"- ნათქვამია IDFI-ის ინფორმაციაში
მასალის გამოყენების პირობები