დღეს ფოთში პოლიტიკური კოალიცია "ქართული ოცნების" ოფისი გაიხსნა. რეგიონალური ოფისის გახსნას დავით უსუფაშვილი, ნინელი ჭანკვეტაძე, გოგლა ჟვანია და კახა შარტავა ესწრებოდა.
"ისეთ მდგომარეობაში ვართ, რომ იძულებული გავხდი ასეთი ნაბიჯი გადამედგა. მთავრობამ მოახერხა ის, რომ ჩემნაირი ადამიანი კაბინეტიდან გამოიყვანა და წაიყვანა პოლიტიკაში", _ განაცხადა "ქართული ოცნების" ფოთის ორგანიზაციის თავმჯდომარემ, ფრიდონ კვარაცხელიამ.
შეგახსენებთ, პოლიტიკური კოალიცია "ქართული ოცნება" რაიონულ ორგანიზაციებს მთელი საქართველოს მასშტაბით ხსნის.
