„ქრისტიან-დემოკრატები" ციხე-სიმაგრე პეტრას გასხვისების საკითხში საპატრიარქოს ჩართვას ითხოვენ. აღნიშნული ინიციატივით დღეს, პარლამენტის პლენარულ სხდომაზე ფრაქცია „ქრისტიან-დემოკრატების" თავმჯდომარე გიორგი ახვლედიანი გამოვიდა.
„ბევრისთვის შეიძლება სიახლე იყოს, მაგრამ ხელისუფლებისთვის საპატრიარქოს იგნორირება სიახლე აღარ არის და მან უკვე არაერთხელ აჩვენა საზოგადოებას, თუ როგორ უნდა განახორციელოს რელიგიასთან და კულტურული მემკვიდრეობის ძეგლებთან დაკავშირებული საკითხები ისე, რომ გვერდი აუაროს საპატრიარქოს", - განაცხადა დეპუტატმა.
მისივე თქმით, დღესაც, გავრცელებული ინფორმაციის მიხედვით, 1 ლარად გაიყიდა ქობულეთთან არსებული ციხე-ქალაქი პეტრა, რომელიც ძალიან საეჭვო ხელშეკრულებით უნდა გასხვისდეს, რომელიც დაახლოებით 2 კვირაში გაფორდმება.
ამასთან, ახვლედიანმა განმარტა, რომ პეტრა ეს არის ციხე - ქალაქი, რომლის ტერიტორიაზე არის ორი უმნიშვნელოვანესი და უნიკალური ტაძრის ნაშთები - მეექვე და მეთქევმეტე საუკუნის და არის საეპისკოპოსო ცენტრი ძველი ლაზიკასი.
მისივე თქმით, აღნიშნულთან დაკავშირებით საკითხის გადაწყვეტა საპატრიარქოს გვერდის ავლით კატეგორიულად მიუღებელია, მით უმეტეს რომ მისი უცხოურ კომპანიაზე გასხვისება იგეგმება.
