საპარლამენტო უმცირესობის ლიდერი გიორგი თარგამაძე პრეზიდენტ მიხეილ სააკაშვილისგან მისი პოლიტიკური მომავლის შესახებ კონკრეტული პასუხის მიღებას ელოდება. ამის შესახებ თარგამაძემ ჟურნალისტებს საქართველოს პრეზიდენტის პარლამენტში ხვალ დაგეგმილი ყოვლეწლიური ანგარიშით გამოსვლის შეფასებისას განუცხადა.
მისივე თქმით, მათი სურვილია, რომ პრეზიდენტის პოლიტიკური გეგმები ისევე დაემთხვეს "ქრისტიან-დემოკრატების" ხედვებს, როგორც მათი მოსაზრებები ემთხვევა მოსახლეობის აზრს.
ამასთან, თარგამაძე აცხადებს, რომ თავის გამოსვლაში მკაცრად გააკრიტიკებს ხელისუფლების იმ ქმედებას, რომლის მიხედვითაც გადასახადებით აკრეფილი თანხა არა გრძელვადიან შედეგზე და მოსახლეობის საჭიროებებზე, არამედ ხელისუფლების მოკლევადიან პიარ-ეფექტებზე და დროსტარებაზე გათვლილი.
ამასთან, უმცირესობის ლიდერი საკუთარ გამოსვლის დრის ყურადღებას გაამახვილებს კომუნალური გადასახედებზე, საგადასახდო ტვირთზე, უმუშევართა დაზღვევაზე, მცრე და საშუალო ბიზნესში დასაქმებული ადამიანებისთვის ხელოვნური ბარიერების მოხსნაზე, ჯანდაცვის ხელსეწყობასა და ქართული სოფლის აღორძინებაზე.
შეგახსენებთ, რომ საქართველოს პრეზიდენტი მიხეილ სააკაშვილი საკანონმდებლო ორგანოში ყოველწლიური ანგარიშით დღეს გამოვა.
