საქართველოს პარლამენტის ეროვნული ბიბლიოთეკის საკონფერენციო დარბაზში მეცნიერებათა დოქტორის, ექიმ ცინუკი ჯანელიძის წიგნის პრეზენტაცია გაიმართა. წიგნი "იუსტინე ჯანელიძე" ცნობილი ექიმის ხსოვნას ეძღვნება, რომელმაც მფეთქავ გულზე პირველი ოპერაცია ჩაატარა.
"აზრი დიდხანს მწიფდებოდა და გარკვეული დრო მოვანდომე ნათესვების, კოლეგების, მოწაფეების მოგონებების შესწავლას, დახლოებით 5-6 თვე კითხვას, წერას, აზრს, გადასწორებას და დამუშავებას მოვანდომე. ნამუშევარს ახლა ვუზიარებ საქართველოს წამყვან ქირურგებს, რომლებიც აქ იმყოფებიან. ძალიან მომეხმარა საღამოს ორგანიზებაში ცნობილი ნევროლოგი, რომან შაქარიშვილი. ეს წიგნი სახოვარია და ხსოვნა არ იყიდება ხოლმე", - აღნიშნა "ჯი-ეიჩ-ენთან" წიგნის ავტორმა.
საქართველოს გარეთ მოღვაწე დიდი ქართველი ქირურგის პროფესიული მიღწევები ყველა ექიმისთვის ცნობილია და დღევანდელი ქირურგიულ სახელმძღვანელოებშიცაა შეტანილი.
წიგნის პრეზენტაციას მედიცინის მეცნიერებათა აკადემიის ვიცე-პრეზიდენტი გურამ ტატიშვილი უძღვებოდა.
