ბრიტანეთის საგარეო მინისტრმა დევიდ ლემმა ძალიან კონკრეტული პასუხი გასცა, რომ საგარეო უწყება ზედმიწევნით სწავლობს ივანიშვილის რეჟიმის კორუფციულ სქემებს და მათ შორის აქვს აქტიური კონტაქტი ბრიტანეთის ტერიტორიაზე, სადაც ოფშორულ კომპანიებში დიდი რაოდენობის აქტივებს მალავს პირადად ივანიშვილი, ისევე როგორც მასთან დაახლოებული პირები.” - განაცხადა “ნაციონალური მოძრაობის” თავმჯდომარემ, თინა ბოკუჩავამ.
ბოკუჩავამ კომენტარი გააკეთა დევიდ ლემის განცხადებაზე, რომელშიც მინისტრმა თქვა: "არ ვარ ინფორმირებული საქართველოსა და იქ კორუფციულ საქმიანობასთან დაკავშირებით, მაგრამ ამ საკითხს ყურადღებით განვიხილავ და ბრიტანეთის ვირჯინიის კუნძულებს წარვუდგენთ".
თინა ბოკუჩავას განცხადებით, "ნაციონალური მოძრაობის" წევრებმა ბრიტანეთის საგარეო უწყებაში განიხილეს ივანიშვილის წინააღმდეგ ფინანსური სანქციების დაწესების საკითხი.
“ბრიტანეთის თემთა პალატის წევრის, ფილ ბლიკელის შეკითხვაზე ბრიტანეთის პარლამენტში საგარეო ურთიერთობათა კომიტეტზე, ბრიტანეთის საგარეო მინისტრმა დევიდ ლემმა ძალიან კონკრეტული პასუხი გასცა, რომ საგარეო უწყება ზედმიწევნით სწავლობს კორუფციულ სქემებს ივანიშვილის რეჟიმის და მათ შორის აქვს აქტიური კონტაქტი ბრიტანეთის ტერიტორიაზე, სადაც ოფშორული კომპანიებში დიდი რაოდენობის აქტივებს მალავს პირადად ივანიშვილი, ისევე როგორც მასთან დაახლოებული პირები.
ჩვენ ახლა გამოვედით შეხვედრიდან, ბრიტანეთის საგარეო უწყებაში, სადაც ძალიან მნიშვნელოვანი საუბრები გვქონდა, მათ შორის იმაზე, რომ მოხდეს სირიის მხრიდან საქართველოს ოკუპირებული რეგიონების უკანონო აღიარების უკან გაწვევა, მაგრამ ასევე განვიხილეთ ფინანსური სანქციების დაწესების აუცილებლობა ივანიშვილზე და მის გარემოცვაზე იმისთვის, რომ ქვეყანა დავუბრუნოთ დემოკრატიული განვითარების გზას.” - განაცხადა თინა ბოკუჩავამ.
დიდი ბრიტანეთის თემთა პალატის საგარეო ურთიერთობათა კომიტეტზე საქართველოს საკითხზეც იმსჯელეს.გაერთიანებული სამეფოს საგარეო საქმეთა მინისტრს, დევიდ ლემს საქართველოს შესახებ კითხვები პარლამენტარმა ფილ ბრიკელმა დაუსვა.
