მთავრობა აღიარებს, რომ დიდთოვლობასთან გასამკლავებლად უფრო მეტი ტექნიკის ქონა სასურველი იქნებოდა. როგორც დღეს მთვრობის სხდომაზე პრემიერ-მინსიტრმა ნიკა გიალურმა განაცხადა "დიდთოვლობამ გვაჩვენა, რომ ამ დიდთოვლობის გამო უფრო მეტი ტექნიკის ქონა იქნებოდა ეფეტქტური".
პრემიერ-მინისტყრის განცხადებით, უახლოესი 2-3 დღის განმავლოაბში სინოპტიკოსები უფრო დიდ ნალექს პროგნოზირებენ და შესაბამისმა სამსახურებმა 24-საათიანი რეჟიმით მუშაობა ისევ უნდა გააგრძელონ.
როგორც პრემიერ-მინსიტმა განაცხადა, უკვე შემუშავებულია სპეციალური გეგმა, რომლის მიხედვითაც ქვეყანა დამატებით ტექნიკას შეიძენს, რათა მომდევნო წლებში ზამთარს უფრო მომზადებული შეხვდეს. რეგიონალური განვითარებისა და ინფრასტქრუტის მინისტრის რამაზ ნიკოლაიშვილის განცხადებით, სამინისტრომ პრეზიდენტისა და პრემიერ-მინისტრის დავალებით უკვე შეიმუშავა გეგმა და დამატებითი ტექნიკის შეძენა უახლოეს პერიოდში მოხდება.
"პრეზიდეტნისა და პრემიერის დავალებით დავამუშავეთ პროგრამა და დამატებითი ტექნიკის შეძენას ვაპირებთ, რადგანაც მომდევნო წლებში უფრო ეფექტურები ვიყოთ ამ მიმართულებით", - განაცხადა ნიკოლაიშვილმა.
პრემიერ-მინისტრმა დღესვე მთავრობის წევრებისგან მიმდინარე სამუშაოების შესახებ ანგარიში მოისმინა. როგორც რეგიონალური განვითარებისა და ინფრასტრუქტურის მინისტრმა რამაზ ნიკოლაშივილმა განაცხადა, ყველაზე პრობლემური მაინც კობი-გუდაურისა და სამცხე-ჯავახეთის გზებია და სწორედ ამ მიმართულებით იქნება გადასროლილი დამატებითი ტექნიკა.
