საქართველოს ვალდებულებაა ზრუნვა მეჩეთზეც, სინაგოგაზეც და კათოლიკურ ტაძრებზეც, - ამის შესახებ პარლამენტის დღევანდელ პლენარულ სხდომაზე საპარლამენტო უმრავლესობის ერთ-ერთა ლიდერმა, განათლებისა და კულტურის საკითხთა კომიტეტის თავმჯდომარემ გოკა გაბაშვილმა განაცხადა.
მისი თქმით, საქართველო არის სახელმწიფო, რომელიც თანაბრად პატივს სცემს ყველა კონფესიას, ზრუნავს იმ ისტორიულ-კულტურულ მემკვიდრეობაზე, რომელიც მართმადიდებლურ ეკლესიამ შექმნა საქართველოში.
"საქართველოში 400-ზე მეტი ძეგლი იქნა რეაბილიტირებული, ვიდრე ეს მოხდა ბოლო 50 წელიწადში. სწორედ ამიტომ ვერავინ ვერ იტყვის, რომ ჩვენი ვალდებულება არ არის ზრუნვა მეჩეთზე, სინაგოგაზე, კათოლიკურ ტაძრებზე. ესეც ჩვენი ვალდებულება. ჩვენ ცივილიზებულები ვართ განსხვავებით იმ ადამიანებისგან, რომელთაც საერთოდ არ ესმით რა არის ცივილიზაცია", - აღნიშნა გაბაშვილმა.
ამასთან, გოკა გაბაშვილმა ოპოზიციის წარმომადგენლებს მოუწოდა, რომ წუთიერი პოპულარობისთვის ნუ დაივიწყებენ, რომ საქართველოს ვალდებულებაა ზრუნვა ასევე ქვეყნის ფარგლები მდებარე კულტურულ და ისტორიულ ძეგლებზე ზრუნვაც.
"ასევე ჩვენი ვალდებულება ზრუნვა იშხანზე, ოშკზე, ხანცდაზე და ეს არის ის ძეგლები, რომელმაც შექმნა კულტურულ-სულიერი ძეგლი ამ ქვეყანაში, მისი გაფრთხილება ეს ჩვენი ისტორიული მისია. რაც შეეხება არსებულ მეჩეთს ახალციხეში, მისი მოვლა-პატრონობა ჩვენი ვალდებულება, რაც შეცხება აზიზიას მეჩეთს, ესეც ჩვენი ვალდებულება, რომ ბათუმში ავაშენოთ მშვენიერ ხის მეჩეთი", - აღნიშნა უმრავლესობის წევრმა და აქვე ოპოზიციას "შეახსენა", რომ საკითხისადმი სხვაგვარი მიდგომა არაცივილიზებულია.
