"მინდა პატივისცემას გამოვხატო თურქეთის მიმართ, იმ მხარდაჭერისთვის, რომელიც საქართველოს ახალი დამოუკიდებლობის ისტორიაში თანმიმდევრულად იჩენს ჩვენი ქვეყნის სუვერენიტეტისა და ტერიტორიული მთლიანობის მხარდაჭერას. ასევე, მინდა მადლობა გადავუხადო ყველა თურქ პოლიტიკოს, რომელებიც მხარს უჭერენ საქართველოს ევროატლანტიკურ მისწრაფებებს", - აღნიშნა თარგამაძემ.

მისივე თქმით, თურქეთი საქართველო ყველაზე დიდი სავაჭრო პარტნიორია, მაგრამ ამით მოგებას ნახულობს, როგორც საქართველო, ასევე თურქეთი.

"თუმცა ეს არ არის მთავარი. მთავარია საქართველოს ხელისუფლება რა დამოკიდებულებს იჩენს ზოგადად ამ მოლაპარაკებების შესახებ. როდესაც საპატრიარქო, რომელიც სახელმწიფოსა და ეკლესიას შორის არსებული კონსტიტუციური შეთანხმებისა არის მეპატრონე და პასუხისმგებელი ქვეყნის შიგნით და გარეთ დარჩენილი ეკლესიების არ არის ჩართული მოლაპარაკებებში", - აცხადებს უმცირესობის ლიდერი და აქვე დასძენს, ეს არის სერიოზული პრობლემა.

"საქართველოს საპატრიარქო და ეკლესია არაფერ განსაკუთრებულს არ მოითხოვს ამ მოლაპარაკებებთან დაკავშირებით. ჩვენი ქვეყნის ისტორიულ-კულტურული მემკვიდრეობის დაცვა სხვა ქვეყნის ტერიტორიაზე, რომელიც იმ ქვეყნის მემკვიდრეობასაც წარმოადგენს არის საერთაშორისო სამართლებრივი ვალდებულება, რომელიც დასაცვია და რომელზეც უნდა ვისაუბროთ იუნესკოს მეშვეობით", - მიაჩნია გიორგი თარგამაძეს.

ამასთან, დეპუტატის თქმით, საქართველოს მხარის მიერ აღებულ ვალდებულებებს რაც შეეხება, არანაირ თანაბარ და შესაბამის მოცემულობაში არ ჯდება იმ ვალდებულებებთან, რაც შეიძლება ქართულმა მხარემ თურქეთისგან მიიღოს.

"ამის გათვალისწინებით კიდევ ერთხელ მოგიწოდებთ ჩართული იყოს საპატრიარქო და მიეწოდეს სრული ინფორმაცია რაც არის განხილვისა და მოლაპარაკების თემაა", - აღნიშნა თარგამაძემ და აქვე დასძინა, რომ არცერთ მაჰმადიანს არ აქვს პრობლემა საქართველოში აღმსარებლობის კუთხით, მაშინ როცა ქართველ სასულიერო პირებს მეზობელი ქვეყნის ტერიტორიაზე გადასვლისას პრობლემები ექმნებათ.