"ქრისტიან-დემოკრატები" სამედიცინო სფეროს წარმომადგენლებისთვის დაგროვილი დავალიანებების დროულად გადახდას მოითხოვენ. როგორც პარლამენტის პლენარულ სხდომაზე, ფრაქცია "ქრისტიან-დემოკრატების" წევრმა მაგდა ანიკაშვილმა განაცხადა, ქვეყნის მასშტაბით უამრავი სამედიცინო დაწესებულება, სადაც დასაქმებულ ადამიანებს ხელფასები წლების განმავლობაში არ მიეცემოდათ, რაც ჯანდაცვის სფეროში მიმდინარე დაუსრულებელმა რეფორმებმა და პრივატიზაციის პროცესმა გამოიწვია.
"იყო პერიოდი, როცა ექიმები ენთუზიაზმით მუშაობდნენ, მაგრამ ამის პარალელურად, სახელფასო დავალიანებები დაგროვდა. იმის გამო, რომ პრივატიზაციის პროცესი დაუსრულებლად მიმდინარეობდა, მაშინდელი მფლობელები ხელფასების დარიგებას, სხვადასხვა მიზეზებით თავს არიდებდნენ. ეს დღესაც გრძელდება", - განაცხადა ანიკაშვილმა და აღნიშნა, რომ უნდა შეიქმნას სპეციალური კომისია, რომელიც ამ საკითხზე იმუშავებს, მონაცემებს დააგროვებს და რეგიონებში არსებულ პრობლემებს შეისწავლის.
მისივე თქმით, ზოგიერთ სამედიცინო დაწესებულებასა და სადაზღვევო კომპანიებს შორის დღემდე დავა მიმდინარეობს, რომლის გადჭრა არ ხდება ამით კი, ექიმები ზარალდებიან, რადგან მათ საკუთარი ანაზღაურება არ მიეცემათ.
"ექიმმა, რომელმაც თავის პროფესიული მოვალეობა შეასრულ, მან თავისი ხელფასი უნდა მიიღოს. ადამიანი, რომელიც ხელფასს არ იღებს, მას ხარისხს ვერ მოვთხოვთ. ასეთ შემთხევევაში, კი იმ რეფორმებზე რაზეც თქვენ საუბრობთ ჩავარდება", - განაცხადა ანიკაშვილმა.
დეპუტატის ინფორმაციით, ამ კუთხით განსაკუთრებით რთული ვითარებაა რეგიონებში და ამიტომ, ანიკაშვილმა მაჟორიტარებს მოუწოდა პრობლემის მოგვარებაზე იზრუნონ.
