საქართველოს პრეზიდენტის მიერ პირად კონტროლზეა აყვანილი ენერგეტიკული და ინფრასტქრუტურული სამსახურებისა და სამინისტროების მუშაობა დიდთოვლობისგან გამოწვეულ პრობლემებთან დაკავშირებით, - ამის შესახებ დღეს გამართულ პრესკონფერენციაზე საქართველოს პერზიდენტის პრესსპიკერმა მანანა მანჯგალაძემ განაცხადა.
მისი თქმით, პრეზიდენტის მხრიდან ასევე კონტროლზეა აყვანილი თითოეული რეგიონი და კოორდინირებულად მიმდინარეობს მუშაობა ადგილობრივ მუნიციპალიტეტებთან.
"უამინდობის მიუხედავად, ყველა სამსახურისა და შესაბამისი უწყების საკმაოდ ოპერატიული ქმედების შედეგად ბევრი პრობლემა, რომელიც შესაძლებელი იყო წარმოქმნილიყო დიდთოვლობის გამო, თავიდან იქნა აცილებული. გარკვეული სამუშაოების შედეგად პრობელმებმა ისეთი სახე არ მიიღო, როგორიც სამწუხაროდ მთელ რიგ ქვეყნებშია. ზოგან იყო შეფერხება ელექტროენერგიის მიწოდებასთან დაკავშირებით, მაგრამ სხვა სახის შეფერხება გზებთან და გადაადგილებასთან დაკავშირებით, არ შექმნილა. მუშაობა 24 საათის განმავლობაში მიმდინარეობდა", - განაცხადა მანჯგალაძემ.
მისი თქმით, საქართველოს პრეზიდენტმა დავალებები გასცა, რომ შეეძენათ დამატებითი სპეცტექნიკა, რომელიც სპეციფიკური რეგონისთვის იქნება აუცილებელი დიდთოვლობის დროს.
მანჯგალაძის თქმით, საქართველოს პერზიდენტი მიესალმება თბილისის მერიის ინიციატივას, რომელიც თავშესაფრების ამოქმედებას უკავშირდება და ამ მიმართულებით გარკვეული ღონისძიებების გატარებას.
