საქართველოს პრეზიდენტი მიხეილ სააკაშვილი ამერიკის შეერთებულ შტატებში ვიზიტის ფარგლებში ამერიკელ სენატორებს შეხვდა. პრეზიდენტმა შეხვედრა გამართა სენატორ ჯონ მაკკეინთან, ლინდსი გრეჰამთან, ჯეიმს რიშთან, ბიბ კორკერთან და მარკო რუბიოსთან.
სენატორებმა ხაზი გაუსვეს საქართველოს ჯარების ავღანეთში ყოფნის მნიშვნელობას და კიდევ ერთხელ გამოხატეს მხარდაჭერა საქართველოს მიმართ. სენატორების თქმით, საქართველო პროგრესის საუკეთესო მაგალითია და აქ ბიზნესის კეთებისთვის შესანიშნავი კლიმატია შექმნილი.
"არაჩვეულებრივი შეხვედრა გაიმართა მიხეილ სააკაშვილთან. ჩვენ მივიჩნევთ საქართველოს როგორც პროგრესის საუკეთესო მაგალითს. საქართველოში კორუფცია დამარცხებულია და ეს სხვა ქვეყნებისთვის მისაბაძი უნდა იყოს", - განაცხადა სენატორმა მარკო რუბიომ.
