თავდაცვის სფეროს გაძლიერებასთან დაკავშირებით რუსეთისა და საქართველოს ინტერესები ერთმანეთს ვერ გადაკვეთს. ამის შესახებ "ჯი-ეიჩ-ენს" საპარლამენტო უმრავლესობის ერთ-ერთმა ლიდერმა გოკა გაბაშვილმა აშშ-სა და საქართველოს შორის თავდაცვისა და უსაფრთხოების სფეროში ურთიერთობების გაღრმავების შეფასებისას აღნიშნა, რომლის შესახებაც პრეზიდენტ ბარაკ ობამამ გუშინ საქართველოს პრეზიდენტ მიხეილ სააკაშვილთან შეხვედრის შემდეგ განაცხადა.
"საქართველოს ეროვნული ინტერესია, რომ გაიღრმავოს და გაიძლიეროს თავდაცვა და უსაფრთხოება, ხოლო რუსეთის ინტერესია, რომ ეს ასე არ მოხდეს. ეს არის ორი ინტერესი, რომელიც ერთმანეთს ვერ კვეთს და ვერ გაუგებს", - აღნიშნა გაბაშვილმა.
მისივე თქმით, ქართული მხარისთვის მნიშვნელოვანია, რომ ქვეყანა არ იყოს ისეთ მდგომარეობაში, რომ საკუთარი თავის დაცვა ვერ შესძლოს მოკავშირეებისა და მეგობრების საშუალებით.
"ეს რუსეთს აღიზიანებს. მაგრამ არ მესმის იმ პოლიტიკოსების, რომლებიც თვლიან, რომ საქართველოს მთავარი იდეა უნდა იყოს, რომ არ გააღიზიანოს რუსეთი. საქართველოს მთავარი, ეროვნული ინტერესი სწორედ საკუთარი თავისდაიცვა და უაფრთხოების გააძლიერებაა", - აცხადებს გოკა გაბაშვილი.
