საქართველოს საგარეო საქმეთა სამინისტრო იმედოვნებს, რომ ფიჯი ერთგული დარჩება იმ ვალდებულებების წინაშე, რომელიც მას აქვს აღებული და საქართველოს ოკუპირებულ რეგიონებს - აფხაზეთსა და ე.წ. სამხრეთ ოსეთს დამოუკიდებლად არ აღიარებს. ამის შესახებ დღეს გამართულ ტრადიციულ პრესკონფერენციაზე საქართველოს საგარეო საქმეთა მინისტრის მოადგილემ დავით ჯალაღანიამ განაცხადა.
"მედს ვიტოვებთ, რომ ფიჯის ხელისუფლება დარჩება ერთგული საერთაშორისო პრინციპებისა, რომელსაც აღიარებს გაეროს წევრი ყველა ქვეყანა. იმედი გვაქვს, რომ ისინი გაუძლებენ ამ ცდუნებას თუ ზეწოლას რუსეთის მხრიდან და დარჩებიან ერთგულნი როგორც ჩვენს მიმართ კეთილი და პარტნიორული ურთიერთობის თვალსაზრისით, ასევე იმ ვალდებულების წინაშე, რომელიც მათ აქვთ აღებული", - განაცხადა ჯალაღონიამ.
ჯალაღანია გამოეხმაურა რუსეთის საგარეო საქმეთა მინისტრის, სერგეი ლავროვის ვიზიტს ფიჯიში და განაცხადა, რომ რუსეთის საგარეო საქმეთა სამინისტროს და მის მინისტრს უფლება აქვს თავად აირჩიოს ვიზიტის დანიშნულება და მიზანი.
"თუმცა ეს აჟიოტაჟი, რაც აღნიშნულ საკითხთან დაკავშირებით შეიქმნა თვითონ რუსეთის მიერ წარმოებული იმ ერთგვარი უცნაური საგარეო პოლიტიკის შედეგია. ეკონომიკურად დაბალგანვითარებული ან განვითარებადი ქვეყნებთან მიმართებაში რუსეთი ცდილობს სხვადასხვა არაკანონიერი გზით, რომელთა შორის არის პირდაპირი მოსყიდვა თუ სხვადავსხვა ეკონომიკური ზეწოლით შეთავაზებების გზით მიაღწიონ ოკუპირებული რეგიონების აღიარების საკითხს. ამის მაგალითი ჩვენ გვაქვს თუნდაც ტუვალუსა და ნაურუს და იმავე ვენესუელისა და ნიკარაგუის სახით, სადაც ზოგ შემთხვევაში პირდაპირ ხდებოდა ქრთამის შეთავაზება, ზოგ შემთხვევაში ჰქონდა კონკრეტული კრედიტის სახე. ყოველ ასეთ ვიზიტს ან ასეთ შეხვედრას მცდელობა მოსდევდა ხოლმე ამ შედეგის მიღწევისა. ვალდებულებების წინაშე, რომელიც მათ აქვთ აღებული", - განაცხადა ჯალაღანიამ.
ავსტრალიური მედიის ინფორმაციით, ფიჯის კუნძულები, შესაძლოა, კიდევ ერთი ქვეყანა გახდეს, რომელიც ოკუპირებული სამხრეთ ოსეთისა და აფხაზეთის დაოუკიდებლობას აღიარებს. ამ თემაზე მოლაპარაკები რუსეთის საგარეო საქმეთა მინისტრის სერგეი ლავროვის აზიური ვიზიტის ფარგლებში გაიმართება. იგი ფიჯიზე დღეს უნდა ჩავიდეს, თუმცა მინისტრის მოადგილემ ალექსანდრე ლუკაშევიჩმა ჟურნალისტების შეკითხვა დამოუკიდებლობის ცნობის შესახებ ღიად დატოვა.
მისი თქმით, ნებისმიერი ამგვარი გადაწყვეტილება სუვერენული სახელმწიფოს უფლებაა.
ფიჯი შესაძლოა მეექვსე ქვეყანა გახდეს, რომელიც აფხაზეთისა და სამხრეთ ოსეთის დამოუკიდებლობას ცნობს.
შეგახსენებთ, რომ უკუპირებული სამხრეთ ოსეთისა და აფხაზეთის დამოუკიდებლობა 5-მა ქვეყანამ ცნო - რუსეთი, ვანუატუ, ტუვალუ; ნიკარაგუა; ნაურუ.
