დიდთვლობის გამო დაზიანებული ელექტროგადამცემი ხაზების ბოლომდე აღდგენა ამ დრომდე ვერ ხერხდება. დასალეთ საქართველოში "ენერგო- პრო-ჯორჯიას" ბრიგადები მთელი ღამის განმავლობაში მუშაობდნენ. კომპანიამ აბონენტების ნაწილისთვის ელექტრომომარაგების აღდგენა უკვე შეძლო.
"მუშაობა ამ წუთებშიც მიმდინარეობს და მიდის სარეაბილიტაციო სამუშაოები. უმეტესობა აბონენტების გუშინ საღამოს ჩაირთო. დღეს დილით კვლავ გაგრძელდა მუშაობა და ნაწილსაც ჩაერთო. დღეს მთლიანად იქნება დატვირთული და ჩაირთვება ყველა აბონენტი", - განაცხადა "ენერგო-პრო-ჯორჯიას" საზოგადოებასთან ურთიერთობის სამსახურის ხელმძღვანელმა, ავთანდილ დვალიშვილმა.
უამინდობამ აჭარის, გურიისა და სამეგრელოს რამდენიმე ათეული სოფელი ელექტროენერგიის გარეშე დატოვა. თოვლმა დააზიანა სასათბურე მეურნეობებიც. თოვლის საფარის სისქემ მაღალმთიან რაიონებში ზოგან ერთ მეტრსაც მიაღწია.
