საქართველოსა და თურქეთს შორის მარადინსა და მაჭახელას ხეობას შორის დამატებითი სასაზღვრო პუნქტი გაიხსნება. ამის შესახებ საქართველოს პრეზიდენტმა მიხეილ სააკაშვილმა თურქეთის პრემიერ, რეჯეპ ტაეპ ერდოღანთან ერთობლივ პრესკონფერენციაზე განაცხადა.
"დღეს შევთანხმდით, რომ დამატებითი სასაზღვრო პუნქტი გაიხსნება მარადინსა და მაჭახელას ხეობას შორის, რომელიც დააკავშირებს ორი ქვეყნის მოსახლეობას. ჩვენ ასევე ვმუშაობთ იმაზე, რომ სარფში, თურქეთის მხარეს გაფართოვდეს სასაზღვრო პუნქტი, რათა რიგები მოიხსნას ორივე მხარეს. ჩვენ ვმუშაობთ იმაზე, რომ თავისუფალი ვაჭრობის ხელშეკრულება ამუშავდეს სრული დატვირთვით", - განაცხადა პრეზიდენტმა.
მისი თქმით, სტამბულიდან ბათუმის მიმართულებით ყოველდღიურად 2, ანკარიდან კი 1 რეისი განხორციელდება.
