კახა კალაძე ნაკრებიდან თავაწეული წავიდა. ამის შესახებ გაზეთ "ლელოსთან" საუბრისას, საქართველოს ნაკრების ყოფილმა ფეხბურთელმა და თურქული კლუბის, "ქაისერისფორის" მთავარმა მწვრთნელმა შოთა არველაძემ განაცხადა. მისი თქმით, კალაძის ნაკრებიდან წასვლა მოულოდნელობა არ ყოფილა.
"კალაძის ნაკრებიდან წასვლა ჩემთვის მოულოდნელი ნამდვილად არ ყოფილა, რადგან მიმაჩნია, რომ სპორტი ისეთი რამეა, წასვლაზე გადაწყვეტილება დროულად უნდა მიიღო, ამ ნაბიჯის გადადგმა არ უნდა დაგაგვიანდეს - სპორტმა პატიება არ იცის. კალაძისთვის ეს ძნელად გადასადგმელი ნაბჯი იქნებოდა, თუმცა მიმაჩნია, რომ მან ამჯერადაც თავაწეულმა დატოვა მოედანი", - განაცხადა არველაძემ.
შეგახსენებთ, რომ ნაკრებიდან წასვლის გადაწყვეტილება კახა კალაძემ თბილისის დიდ საკონცერტო დარბაზში 11 დეკემბერს "ქართული ოცნების" პრეზენტაციაზე სიტყვით გამოსვლისას გაახმოვანა.
