რუსეთის პრეზიდენტმა დიმიტრი მედვედევმა აფხაზ სეპარატისტთა ლიდერს ალექსანდრე ანქვაბს დაბადების დღე მიულოცა. ინფორმაციას ამის შესახებ აფხაზური მედია ავრცელებს.
"გილოცავთ დაბადების დღეს. დღეს თქვენი ხელმძღვანელობით კიდევ უფრო ინტენსიური ძალისხმევაა მიმართული დემოკრატიული აფხაზეთის სახელმწიფოებრიობის განმტკიცებისაკენ. განხორციელებულია რესპუბლიკის სოციალ-ეკონომიკური გარდაქმნა. დარწმუნებული ვარ, რომ ჩვენი ქვეყნების ორმხრივი ურთიერთობები მიმართულია რუსეთისა და აფხაზეთის პარტნიორობის პოტენციალის კიდევ უფრო მეტი გახსნისა და გაღრმავებისაკენ", _ ნათქვამია დიმიტრი მედვედევის მიერ ანქვაბისათვის გაგზავნილ მისალოც წერილში.
