წლის საუკეთესო ბიზნესმენს ოქროს პერგამენტთან ერთად ღონისძიების სპონსორებისაგან სხვადასხვა საჩუქრებიც მიიღო. აღსანიშნავია, რომ სოსო ფხაკაძისათვის და ზოგადად "ვისოლ ჯგუფისათვის" "ოქროს პერგამენტი" წელს უკვე მესამე ჯილდოა.

სოსო ფხაკაძე "ვისოლის" დირექტორთა საბჭოს თავმჯდომარე 2000 წელს გახდა. მან დააარსა და განავითარა დასავლური ტიპის ავტო-გასამართი სადგურების ქსელი შ.პ.ს. კანარგო სტანდარტ ოილ პროდუქტის ბრენდის ქვეშ, რომელიც რებრენდინგის შემდგომ ვისოლის სახელით დამკვიდრდა საქართველოს ბაზარზე. სოსო ფხაკაძე იყო საქართველოს ფინანსური ბაზრების ასოციაციის პრეზიდენტი. 1993-2000 წლებში სოსო ფხაკაძე მუშაობდა საქართველოს ეროვნული ბანკის მთავარი დილერისა და სავალუტო სამმართველოს უფროსის მოადგილის თანამდებობაზე.

2009 წლიდან სოსო ფხაკაძე საქართველოს ბიზნეს ასოციაციის ვიცე-პრეზიდენტია. ასოციაცია კერძო სექტორის ინტერესების დამცველ ერთ-ერთ უმსხვილეს არასამთავრობო ორგანიზაციას წარმოადგენს საქართველოში.

შეგახსენებთ, რომ ახალი ამბების სააგენტო „ჯი-ეიჩ-ენის" ორგანიზებით წლის ადამიანებისა და კომპანიების დაჯილდოების ცერემინილი - „ოქროს პერგამენტი" 24 დეკემბერს იმართება და მას კომპანია ბაგრატიონი 1882-ის დარბაზი მასპინძლობს.

2011 წელს გამარჯვებულები 11 ნომინაციაში გამოვლინდნენ, ასევე გაიცა საპატიო „ოქროს პერგამენტიც". გამარჯვებულების გამოსავლენად გამოკითხვა მთელი საქართველოს მასშტაბით ჩატარდა და მასში მონაწილეობა 2986-მა რესპოდენტმა მიიღო.

საკონსულტაციო ჯგუფი GCG-ის მიერ ჩატარებულ კვლევაში რესპოდენტების რაოდენობა შემდეგნაირად გადანაწილდა: თბილისი - 42%, კახეთი - 9%, ქვემო ქართლი - 7%, შიდა ქართლი - 6%, იმერეთი - 10%, სამეგრელო - 10%, გურია - 3%, მცხეთა მთიანეთი - 3%, აჭარა - 10%.

რაც შეეხება გამოკითხულთა სოციალურ მდგომარეობას, აქ სტატისტიკა ასე გამოიყურება: სტუდენტი - 10%, დასაქმებული - 29%, თვითდასაქმებული - 23%, უმუშევარი - 24%, პენსიონერი - 14%.

გამოკითხულთა შორის 53% ქალია, ხოლო 47% მამაკაცი.

წელს „ოქროს პერგამენტის" დაჯილდოების ცერემონიალის სპონსორები იყვნენ კომპანიები ავერსი, გუდვილი, ნატალი და ფლაუერსი.